Пашихъур дила урк1и
Инса ц1умла аргъасли,
Х1елтулра ну ишбарх1и
Дарданани паргъатли.
Ват1ан дец1лизибх1ели,
Ц1умх1ейк1ес ц1акь агара,
Гъудурлигу ишбарх1и
Зера, шуркьра, варъара.
Х1ялалти ц1уц1батурли,
Т1имкьлизирти вацниван,
Сецад леба ишбарх1и
Х1ербирути пачниван.
Дуру-дирути вайти
Бахъ дахъал чедиули,
Расливан дардли мех1е
Сари дила рурчули.
Ну-алавти адамти,
Балас, бетх1ерар узби,
Буалри, бахъ г1ях1сири,
Ках1ерт1ули чула х1и.