Х1ела исбагьидешлис
Х1емсулра дезаик1ес,
Даршал дусра х1едиур
Наб х1едцун далайк1ес.
Дунъяла мас-хазнала
Агара наб авара,
Шулг1ир риадли дила
Х1ела х1яяра х1ура.
Дила х1ечи алкунси
Урк1и лами аурли,
Сен кавлусил х1****ас
Гантари бетх1еурли.
Лералли х1ела дугьби,
Г1ямру шаладирути,
Лералли х1ела х1улби,
Ванали х1ердик1ути.
Бек1лил х1яжатх1едиркур
Наб тухтурла дармунти,
Ну-алав гъамх1едирар
Иш дунъяла шишимти.