Зайбик1ули лебалли
Дила урк1и чугурван,
Х1еръили дигахъира
Х1ела х1улба гьалабван.
Ит манзилла гьав гьанни
Пикриухъасли гьанна,
Дусмала дуц1 ах1енси
Х1ебургулра багьана.
Гьаннара х1ела к1ялг1я
Дила михъири саби,
Наб бег1ла кьут1кьул бялг1я
Х1у чех1ериъни саби.
Дунъя даршна умц1урли,
Бара х1илх1и раргибси,
Набчи х1яндеш черт1или,
Шинна к1ант1ван регъубси.
Х1ердизахъес гьат1ира,
Гьай-аман, х1ела х1улби,
Х1ердизахъес, бац1если
Г1урра урк1ила х1яли.