***

               

Сінявокі край мой любы –
                шум густых лясоў.
Водар скошанага луга,
                клёкаты буслоў.
Звон крынічнае вадзіцы,
                сонейка цяпло.
Подых летняй навальніцы,
                месяца святло.


Край палёў, азёр і пушчаў –
                мірная зямля.
Працавітага народа
                дружная сям'я.
Людзі чыстыя душою –               
                памяркоўны род,
Дабратою і сяброўствам
                славіцца народ.

Беларусы, беларусы ,
                як вас не любіць?
У сям’і працоўнай, шчырай
                так цудоўна жыць,
Шанаваць сваю Радзіму –
                сінявокі край,
Наш прыгожы, наш любімы,
                наш зямельны рай.