КецIдукIулри барумбе,
Бигьунил жия шатил…
ГIямрула масхъарумбе,
Дурар дардли дицIибил…
Адамис гьанхIабикиб,
Балта иле дуния…
БуцIарил цIа лампбикиб,
Гьанна хIинри нушия…
Шуял бари больница
Карихьува беръунил…
АрхIябякьун бари ца,
Нешли гьантIра ахъибил.
ЛапIарагъала бари,
Рурсили хIулбе абхьиб…
ГIядабле пишряхъиби
ЛапIарагъала гатиб
Камил замайс рурсили
Неш-узи шатбариби,
ГIур гIямрулис ихини,
БекIуди бикахъиби…
Неш карикиби къагъле,
Узи цай уртIукьайзе…
Их бари бакIиб декIле,
Калъаб цаби сабулзе.