Деза дарес дигулра.
Амиров Саидличи.
Шагьар ахъбуцес или,
Къайгънаиркьусиличи.
Хlела умутла хьулчи
Шагьарлизи белсунсив?
Хlела пикри, хlела яхl,
Дагъистlайзи сархибтив?
Илцадра амъурти гьай,
Пулан халкьлис дуруси.
Гьарил адамла уркlи,
Се бикlулил балуси.
Хlуни шагьарла уркlи
Абхьири шагьарлантас.
Хlуни шагьарла къирагь
Дедибтири адамтас.
Ленинна кьакьа саби,
Ухули тяп мургьиван.
Сагал дуслис баршибси
Абалкунси елкаван.
Адамти башул гьунби
Къаркъали даршибтири.
Кьалтинван къугъал чlябар,
Шагьарлис бедибсири.
Делчlаннира назмурти,
Делчlабну Саидличи.
Шагьар къугъабарибси,
Шагьарла багь-бекlличи.