У мяне дачка –
Нібы кветачка,
Ясна зорачка
У мяне дачка.
Ад яе вачэй
Сонейка ярчэй
I жыццё лягчэй
Ад яе вачэй.
Цеплыня яе
Сілы надае,
Смутак растае
Ад цяпла яе.
Ад ружовых шчок –
Сэрца ў камячок,
Я ўпадаю ў шок
Ад пунсовых шчок.
Каб жыццё прайсці
І сябе знайсці,
Ты, дачка, расці
У сумленнасці.
На тваім шляху
Не бываць граху.
Будзь мацней крыху
На сваім шляху.
У маёй дачкi
Рукi-лодачкi,
Рухi плотачкi
У маёй дачкi.
Мне не хопіць слоў
Паўтарыць ізноў
Пра сваю любоў –
Не хапае слоў.
30.10.2015