Шъуижъалымагъэ гъунэнчъы:
Шъхьэр пышъогъэчъы,
Лъым ипахъэ
ШъушIогуахь.
Зигъонэмысхэр,
ШъошIа шъо мысэр?
Тхьэм зэхифыт-
Къэшъууахь!
Лъэу бэ жъугъэчъагъэр;
МакIэп жъугъэлIагъэр -
Шъушъхьэхэр къэшъуIэти зышъуплъахь.
Хыем ыIотыр,
Тхьэм ымыдэтыр-
Шъо шъумыгъахъэ гонахь!
Тынапэ тешъохы,
Зэфагъэм шъудэхы:
Лъыбэр Iэтэгъумэ ащиз.
Шъуянэ шъуиIагъэба,
ЦIыф шъухэкIыгъэба?
Тэ къэкIыгъ
Шъощ фэдиз!?
Джыхьнэм къэшъуакIох,
Жъалымагъэм ишакIох -
Къиугъэ пшIэпшIэгъэ лъэтэн.
ШъутхьакIумэхэм зэхахырэп,
Шъабэп, шъугу махэп -
Хэт ар, шъо къышъуфидэн.
Тхьэм тегъэкIыгъэх -
Зэтхьан шъуIо цIыфыгъэ:
ТишIагъэхэр изэхэфын;
Шъо шэйтаным зешъутыгъэх,
Шъугухэр ушIунцIыгъэх-
Къатиблэу чIычIэгъым,
Шъуафын!