Тахьурай

Шахмардан Арран
Пеш авахьда таран к1аник, чара патай  гар тахьайт1а,

Цуьквед уьмуьр яргъи жеда, хелвет цавай хар тахьайт1а.



Бубад къадир чир тахьайдаз хзандикай яман жеда,

Лезгид к1валел абур къведач, ялав галай хьар тахьайт1а.



Гзаф ширин жеда уьмуьр руьгьдиз мукьва дустар галаз,

Рик1ин къене и дуьнядин дердер ац1ай пар
тахьайт1а.



Гьижранди зун кармашардай йифиз-юкъуз агьар жугваз,

К1анивилин атир къвезвай  ярди ракъай чар
тахьайт1а.



Шагьмардана кхьидайд туш шиир, гъезел гаф хьуй лугьуз,

Рик1ин ашкъдив куьк1куьрнавай ватандикай ц1ар тахьайт1а.