Зи дидедин хьран к1вале гум галаз
Вуна чрай фу к1андай заз, иер руш.
Ацукьдай зун хьран к1аник мурз кутаз
Вуна храй цуп1урд нахиш - вилиз хуш!
Хьран к1валин ч1ередикай хкатиз
Какур-какур гум циферик какахьда.
Берекатдин хуш атирар акатиз
Зи ашкъ ргаз ирид цавуз акьахда.
Ялавдин чим акьадамаз нур чк1из,
Ичин пад хьиз яру жеда хъвехъвер ви.
Мус къведа вун ц1ай куьк1уьрна абур гъиз?
Хьран к1вали вилив хуьзва рекьер ви.
Гатфар квахьна, гатар квахьна ава зун
"Цуру" зулун шел алай югъ хан хьана.
Сиве мецел дадар квахьна ава зун,
Ви гъилерин гел алай фу кан хьана.