Гьеч багьа губагорил,
Дунъя бакIиле буар…
Иман-инсап дацIибил,
ГIялам дахъбугьулебар.
Цалис ца гIяхIдеш барес,
ТIарес хабар агора…
Чус хIярамил мас бяргъес,
Гъяйгъилизе мурталра.
КецIдешла гьар кьялубе,
Халкьла дергъуле дуар,
Гьис це вайдеш бугьалра,
Халкь цIакьле разибурар.
Кина тIарибхIалера,
Дахъол цари пасатIдеш,
Гьинела кецIтанира,
ХIадурцу, гьей, даршудеш….
Гьинела дунъялике,
Арц лерил цайи вархьил…
Умут мавкIу кецIтаке,
ЦайрикIан арц агорил…
Иш дунъяла эркиндеш,
Буцилебар дахъ халкьли…
Варе хIябла кьакьадеш,
Керабирхъу Аллагьли.
ДакIударес адамдеш,
ЛукIулевус назмурте…
Камдарая душмандеш,
Царра нуша дубкIуте.