ТIазва зи рикI, тIазва жигер, кIарабар.
Шумуд югъ я зун зи чандик бизардиз.
Дарманни заз чизва жуван азардин-
Ви гъилин чай ,чумаларин мураба.
На къачур чай,чумаларин мураба-
Кумаз-кумаз хъвадай за ви гъилелай,
Гьекьед курум михьи ийиз пелелай,
Яргъа ава и зун авай харапIа.
Яргъа ава и зун авай харапIа.
Вун такваз зун руьгь авачир аюх я,
Вун авачир женнетни заз савух я.
Яд чилерал хьанва закай къураба.
Яд чилерал хьанва закай къураба.
Хуькведа зун,поезддиз билетни
Къачунва за. Кlандач машин-девлетни,
Бес я хуьре авай ламран араба.
Бес я хуьре авай ламран араба.
Ам зи "джип",зи "BMW","мерседес".
Вунни зи рикl,вун зи жигер,зи нефес.
Мад зун яргъаз хъфидатlа яраб яр!?