Чиледин къван

 Чиледин къван,чиледин къван,
 За раижда ви пунни к|ан.
 Течирбуруз къуй хьурай чир,
 За алемдиз ачухда сир.
               
  ...Дегь вахтара кьит-дарман,раб,
 Майдандавай фални запаб,
 Дава тежез фена шумуд,
 Кьалуникни кутаз умуд
.               
  Са камаллу касдин бирдан,
 Кьилиз къведа туьк|уьрун къван
. Юкьни-юкьвай акъудда т|век,
 Ак|урда ам паласда тек.

 Вилаятда чук|урда ван,
 Ава лугьуз суьгьуьрдин къван.                ,
     -Къванцин юкьвай экъеч|айла,
 Кам къачуна эляч|айла,
 
Ам т|ал-квалдин сергьат жезва,
Инсанариз регьат жезва.
Чиледавай ви чан-беден,
 Азад жезва лап денбеден.

  Селли хьана вун чир хьана,
 Чиледин къван ,вун п|ир хьана.
 Асирар къвез фена шумуд,
 Инсанри вак кутаз умуд.

 Гьикьван хьана вахъ ягъайбур,
 Паласадин рехъ гатайбур...
 Заз ава са куьлуь хифет,
 Важиблуди туш ам,гьелбет:

И девирдив вердиш тежез,
 Са жуьрени дегиш тежез,
 Кутан тийиз зерре гунагь,
 Чиледава зи намус-ягь.

 Акъатдайвал къачудай кам,
 Дар жеда заз а къванцин цам.
 Шагьидарин акуна мез,
 Рекьеллама зун физ тежез.
               
 ...Чиледин къван,чиледин къван !
 Жезвани ваз зун луьк|вей ван ?
 Фугъарадиз яц|у,кьакьан
 Гьик|жеда лагь вакай фарман(дарман)