Жагьил замайзе дурхIна
БекIла гIякьлу хIадурар,
Жегой рурсила дяхIла
ЖигIбизува гъайбукIар.
Ца рурси кераале
Жагьте авлия бурар
Рурсира линчIрикале...
Рази бугьуле бубкIар.
Гьаргил жагьте рурсбаке
Арагъакан дуцIбукIар
Амма кIапI бугьубтаке,
Чув хIулбе тIархIадукIар.
Эшти жегой рурсбани
Уршбе авлия биру,
ХIу дигахъис букIули...
Чуке дяхIле цIацIбиру.
Жагьил замайзе диги
ИмцIай авлия бурар,
Чуни дихьибил диги
Мурталра дуъхIадуар.