***

            *         *        *


Инязор! Ваймозе монь анок, –
Тон аньцек эрьгя тейне макст, –
Шкай валцень кулемс, валдозт ваномс
И арамс видешицень ваксс.
Тонь валце ваймозенди лезды
Тумс модалангонь ризфнень эзда.


Мъзярс Иняру Ваймопожфце
Аф няфтьсы ёниямань тяштть,
Минь сембе эрьготьф идькс тя кожфса
Ульхтяма пежень шобдас кяшфт.
Тонь цебярьхть арьсематне ёньцот,
Сай аруши, Инязор, тонцьтот.


Фкя юрста вельмоф Шкаень Цёра!
И сембе пингонь Валда Шкай,
Тонь Валценди мон кемамс ёран,
Мондейне эрьгя Тонцьтот сай.
Монь озксозень, Инязор, маряк
И ваймонь идикс тейне арак.

















          *        *        *


Роштувась минь пялонк сась
Ару валдонц мархта.
Павазсь миньцонк вихонзась,
Эряфоньконь архты.


Шнама Вал Тейть, Вярдень Шкай!
Озксоньконь Тон марьсек.
Тон миндейнек садонц райть
Панжить паронь арьсезь.


Кристозсь кудозонк сувась,
Сяззень урень уськнень.
Сон минь кядьбезонк кундась, –
Од кис вяти-уски.


Молихть мельганза Сон мусь, –
Фкя-фкянь ванфтозь шятнихть, –
Сембонь мяльс Сонь яноц тусь:
Шачем краи вяти.


Сембонди макссь ялгаксши, –
Аньцек Шкайсь тянь сафтсы.
Кемаманьконь арушиц
Ёнь урма пчкафты.


Вельхкссонк нюрьгихть урень уськт,
Атямонь кяж-калдорф…
Седи вакссонк юрхта мусь
Роштувань Шить валдоц.











           *        *       *


Ваймонь Идиеньке, сак!
Тонць тянь няйсак и кульсак,
Мезсь минь таколфтсамазь най,
Ару Вайме Вярдень Шкай!


Эняльди Тейть ломань тналсь,
Шарфтт мяль эняльдемань валс.
Вярдень Шкайсь сась ломань ёткс,
Ваймоснонды тии соткс.


Валдомсь эряфоньконь вец,
Ару валдонц аяш пец.
Арьсетяма Шкайти минць
Пефтом эряф сембе пингс.


Шнама Вал кучтама Тейть!
Панить миньцтонк шобда веть.
Вярдень Шкай, ульхть мархтонк най! –
Кемаманьке виензай.










            *        *        *   
Шнама Вал Тейть, Вярдень Шкай!
Кемат Эсь Валценди най.
Ладязь вятьсамасть киге,
Штада вастова, вирьге.


Пяк кунардонь пингть тя ульсь, –
Атянь атя кургста кульф, –
Кожфка шуди валонь ляйсь
Масторть ланга уйфтсь куля.


Тя кулясь ульсь кода он,
Ёньца арьсеф мялель сон.
Сяц, мезсь онцонок нувась,
Эряфозонк тихтеклась.


Ару Авать Цёрац сась,
Масторлангонь тевс кундась:
Сявсь Эсь лафтувонзон лангс
Марнек пежень стака канксть.


Шнама Вал Тейть, Вярдень Шкай!
Сембе вастова и най.
Аяш озксозе иля:
Седиезон мук киня!


 Макста тейне ару ёнь!
Пежу арьсеманень монь
Панить ваймостон сияк,
Эзон кемамакс сувак.

          

Кристоз, эняльксозень кульхть,
Тейне неже вастокс ульхть.
Васькафнемац сатанать
Эсон кяльготни кувать.



Шавк пильгалот куйть-пупайть,
Аеркс ваймось катк юмай.
Аран инголет пульцьком –
Сюдок пежу идцень Тон.