Светлая музыка, светлая,
З чым можа быць параўнаная?
Ты -- мая песня няспетая --
Музыка ў храме арганная.
Дзіўная музыка, сумная,
Быццам з нябёсаў пасланая.
Што ёй жыццё наша тлумнае?..--
Вечнасць жа ёй дараваная.
Светлая музыка, дзіўная,
З гукаў нябесных сатканая,
Як голас дзіцячы, наіўная,
Ад грэшнай зямлі адарваная.
Песня чароўна-прыгожая...
Слёзы змахну, счараваная...
Славіць яна царства Божае,
Музыка ў храме арганная.