Кельгса щёкас палай тялонь якшамть,
Менель тёкшста ковонь пакшкять – синтьфть,
Карксэземга ловга арды ракшать,
Куттнень вельхксста пачань таньфса шиньфть.
Кельгса ару тюсса архтф ульцятнень,
Кить туркс ловста вачкаф сери фальть,
Шуфттнень пряста акшелды руцятнень,
Порфу вармать – кяжвельде уфайть.
Нинге кельгса тялонь шаржу кельмоть,
Конац вень-ве салава лътай,
Мазыста рисавай вальмя сельмот,
Горняй ляйнять эй алу пърдай.
Мяльс туфт тейне вишкста арды соксне,
Эрек таколфсь, кона котьфти мяштьс.
Тялонда юкстаса пяндра сёксеть,
Пацькафсь кяши мялям келеть эшксс.