Зун лезги руш, лезги я,
Лезги халкьдин иви я.
Къелем кьуна кхьизва:
"Лезги Ватан рекьизва.."
Зун лезги руш, дили я,
Лезги чилин иви я.
Рик1е ава к1еви т1ал, -
Квахьзава зи лезги ч1ал.
Зун лезги руш, лезги я -
Лезги чилин тербия.
Гьикьван лагь вун къариб хьуй?
Лезги Ватан мус ахкуй?
Ваз лезги руш, даим я!
Ч1ал чир хьун ваз, лазим я!
Ватан патал хуьх намус,
Регъуьвални хьухь са к1ус.
Зун лезги руш, гьейран я,
Лезги чилин жейран я.
Ч1ур жезава иви лап,
Дерт т1ушуниз, ягъаз кап.
Зун лезги руш, лезги я,
Зун ватандин гуьзгуь я.
Даим авай женгина,
Лезгистандин гьуьруь я!