"Киштикге - оюн, чычханнга - ёлюм"-
Эртдеден келген акъыллы сёзле.
Биле тургъанлай, къалмайды кёлюм,
Алдасала да бу ариу кёзле.
Сагъышым джангыз къуру сен болуб,
Тюшюм бла тюнюм къатышыб къалды.
Болмазлыкъ ишге эсими бёлюб,
Баргъан джолумда аджашыб къалдым.
Сууукъ ышарыб кери атладынг..
Къыйналсам да бек, ышанама мен,
Бир кюн бир келир сюйюб къарарынг-
Джюрек буз болмаз, ийнанама мен.