***

Зи уьмуьрдин  ат1ай рекьи
лагьана заз:
-Фейи уьмуьрдал амукьнан
вун рази яз?
-Дидеди лагьай лайла ама
япа къени.
Бубад авур къайгъу-чара
квадар женни?!
Ватандин гьал ва к1убанвал,
...арха-далу.
Т1имил-пара... авуна за,
залай аслу.
Пудкъадлай алатнат1ан
уьмуьрдин яш.
Къуват ама, т1акьат ама
Хъийир "саваш"...
 Гегьенш хьана, дарвал гана
тежез итиж,
Уьмуьрдилай гьик1 амукьин
рази тушиз!
Вун рехъ я кьван,  алакьдайдал
хьанвай кьару,
Гагь-гагь жедай, светофор хьиз,
Экв куз яру...