Я страчу рахунак часу,
Не ведаю, колькi гадзiн.
Галоўнае, каб застаўся
Пяшчотны ў душы успамiн.
Хай клiчуць, а нам не трэба.
Iмкнешся пусцiцца ў шлях,
Як птушкi iмкнуцца ў неба
На лёгкiх сваiх крылах.
Трывожнае наша шчасце.
Хiба ты пакiнеш мяне?
Цябе не хачу я страцiць,
Каханыя вочы твае...
Мне цяжка дыхнуць ад пакуты,
Якую нялёгка стрымаць.
А колькi жа слоў не пачута,
I колькi патрэбна сказаць...