Бегьер гудай таран хилер, ухшар я вин гъилериз.
Цава авай гуьрчег гъетер, ухшар я вин вилериз.
Гаф лагьайла милиз хъуьрез, гумир на наз герек туш.
Вун зин яр я, я гуьзел руш, вун зин рикiиз хьанва хуш.
Вун паталди, азиз яр, жегьил чанни гуда за.
вин къаматдин гуьрчег суьрет, рикiе туна хуьда за.
Рушарикай хкатна вун, мулдин цуьк хьиз аквада.
Таран хилел мани лугьуз, билбил къуш вав рахада.
Вун себеб яз ава гьуьжет, чин жегьилрин арада.
Минет я ваз наз гумир заз,тамир яр зун пашман яз.
Дагъдин пеляй авахьдай яд,муьгьуьбатдин лувар я.
Вун жегьилдин тупiалдавай, багьа къванциз ухшар я.
Азиз яр вун зи намус я, вун зин йифен ахвар я.
Минет я ваз наз гумир заз, тамир яр зун пашман яз.