Я не шляхцянка.
Бо зброі не маю.
Сякеры на ганку-
І той не трымаю.
Ні шаблі, ні корды,
Ні стрэльбы – ужо баец!
Слуп хіба што цвёрды
Ды позірк, нібы клявец.
Я не шляхцянка.
Ні ладна, ні квола.
Такое трасянкі
Даволі наўкола.
І глузд не належны,
І голас бы ў крумкача.
Не зграбная вежа-
Пажарная каланча.
Я не шляхцянка.
Каханкаў не маю.
З паўночы да ранку
Зза плоту лунаю.
Шчыт маю ад джалаў,
Атруты, дзіды, мячоў.
Каго ўпадабала?
Вар'ятаў ды цыркачоў.
Я не шляхцянка.
Пагарды не маю.
Хаця негрыцянку-
Прыму, завітаю.
МінУ не галечы-
Каменных у мур сардэц-
Ахвяр недарэчных,
Бо позірк, нібы клявец.