***

Сад Аллагьди халкьур къалай дуьньяда
Гьахъни нагьахъ женгина хьун адет я.
Гьахълу касдин руьгьдин пак тир дуьада
Жедай гафар тlалабун я, минет я.

Кьиле фидач хура къвазун ажалдин,
Агъавалда чи уьмуьрда несибди.
Буржлудаказ легьзе кьванни мажалдин
Халикь патал серфда фагъир кесибди.

Хъфида чун гунагьрин пар кlулаваз,
Имтигьан я куьруь уьмуьр инсандиз.
Къияматдал физ жеч гапур кьулаваз,
Залум нефсер, гице тlун рехъ игьсандиз.

Кlватlзава на ипекни шал тух тежез,
Малум тирвал, мал-девлетар ви булда.
Гьам варлу вас, гьамни кесиб, къекъвераг,
Вад юкl агъ гваз хайи чили кьабулда.