Кьакьандилай килигдамаз ярдин к1валер тик аквазва,
Кьуд пад валар, цацар юкьва къизилгуьлдин цуьк аквазва.
Вил мич1зава мич1и йифиз к1валин винел заз гъетери
Канивили алугарна рагъ хьиз кузвай рик1 аквазва.
Ялаврикай уьшуьн хьанва ярдин к1валин кьуд пад – чил, цав,
Ашкъди кана яру хьанвай заз кукуп1рин ник аквазва.
Шагьсувалай Каспидал кьван зи рекьера нвакь аквазамач,
Нагъварикай хьана селлер,элдиз зи тан цик аквазва.
Чаз халикьди кьисметайт1а, эгер уьмуьр санал гьализ,
Ярдик галаз бахтавар тир Шагьмардан квез гьик1 аквазва?