Майданрини бутханайрин,
сурарини,гзаф успагьи,
бар ва ибадатханайрин.
базарин къвалавай.чlехи,
фарагъатвалин,дердидин,
къвалавай,вили ракъу куз,
физва Меккедини Римдин,
зияратчияр,къвал атуз.
Набутвал ква,кlулац я,
гишин я,бегьем туш пекер,
вилер я мичlив ацlана,
экуьнив ацlанва рикlер.
Гуьгъунай къумлухри чlувуз,
яргъал цlайлапанарни ягъаз,
кьилел абурин гъетер куз,
къивзава къушари,хирт кваз:
хьи,дуьнья жеда эвел хьиз,
эхь,амукьда ам,виликан,
вилер агаждай живер хьиз,
зерифдиз,шак гъидай кьван,
дуьнья амукьда тапандин,
дуьнья амукьда,эбеди,
кьатlуз жедай,жен мумкин,
амма ятlан,акьалтl тийир.
Акl хьайила,вуч я мана
чlалахъ жен аллагьдин,жуван.
...Акl хьайилани,амазма
анжах хиял,рехъ гьаваян.
Чилел мад жеди экверни,
чилери мадни югъ йифда,
миянарда ам аскери,
шаирини ам тарифда.