Къе стхадин мехъер я,
Экъеч1, вахар, кьуьлериз.
Квез ярашугъ къе хъвер я,
Экъеч1, вахар, кьуьлериз.
Стхаяр я масанбур,
Вирибрулай хъсанбур,
Кьанкьанрилай кьакьанбур
Экъеч1, вахар, кьуьлериз.
Стха к1вале са хан я,
Ам бубадин лишан я,
Вахарин рик1, чан,ван я
Экъеч1, вахар, кьуьлериз.
Далдамдин ван гур хьурай,
Жегьилри дем кутурай,
Чамран дустар атурай,
Экъеч1, вахар, кьуьлериз.
Суса т1имил наз гурай,
Сандухда чаз пай турай,
Берекатрив ац1урай,
Экъеч1, вахар, кьуьлериз.
Бахтуни къе нур гурай,
Кьисмет мехъер мел хьурай,
Квез каниди жагъурай
Экъеч1, вахар, кьуьлериз.