Эртде кетгенди джашаудан тюзлюк…
Аны орнуна келгенди итлик.
Сюймейд джерин берирге башхагъа,
Орналгъанды тенгим ол кеб заманга.
Этмейик тенгим терслик джашауда,
Терслик а джетмейин къалмайды ызына.
Мен терслик этиб «харс» урсанг менге,
Тенг тюлсе тенгим, ийнан сен менге!
Бир къарыусузну джолдан теберсек,
Кючлюге уа туруб орун берсек.
Ол болмаз тюзлюк ма бу дунияда.
Ол джолну бармайыкъ тенгим джашауда!
Бир къарыусузну биз сезюн белсек,
Кючлюге уа биринчи сез берсек.
Оол тюзлюк болмаз ма бу дунияда.
Ол джолну бармайыкъ тенгим джашауда!
Бир къарыусузну кермегенча этсек,
Кючлюге уа узакъдан салам берсек.
Ол болмаз тюзлюк ма бу дунияда,
Ол джолну бармайыкъ тенгим джашауда!
Къарыусуз да, кючлю да болсун бизге тенг,
Олду айтырым тынгыласанг менге сен.
Умар Ижаев
Член союза писателей России