1991-чи джыл, къралыбыз къатышхан заманда миллетибиз да къатышхан эди
Къарачайны онглу джашлары бир-бирлерин ангыламайын башлагъан заманга джазылгъанды.
Къабырлагъа кирсенг, келед сени эсинге:
«Джаш телюню кебюсю мындамыды?»- деб келюнге..
Къазауатмы барады Къарачайны къарачайны джеринде?
Чечендеми ёлгенле мында джатхан джигитле?
Бир ананы джашлары, англамайла бир-бирин.
Ёксюз къалгъан сабийге ушагъанчад миллетим.
Биз билгенден бу джуртда болмагъанды тузлу кел…
Былай барса джыйылыр джыламукъдан уллу кел.
Былай барса таулада аз къалырла уланла,
Керек кюн къарачайгъа туруб келмезле ала.
Мындан уллу къыйынлыкъ бармыд ата-анагъа
Кесини къолу бла салса, джашын къабыргъа?!
Тилейдиле анала, ёксюз къалгъан балала:
«Елтюрмегиз бир-биринги къарачайлы уланла!»
Къабырлада джашла да тилейдиле сауладан:
«Бир-биринге артыкълыкъ болмасын» – деб- аладан.
Умар Ижаев
Член союза писателей России