Уллу адамлыгъы, акъылы, билими болуму болгъан.
Нарсана шахарда джашагъан, халкъыбызгъа дагъан болуб тургъан,
Дуниядан замансызлай кетген
Алийланы Хаджини джашы Ахматха атайма.
Узун бойлу, сабыр келлю тамада,
Кеб адам а келе эди аллынгы.
Разы болмай къайтмай элле ызына,
Хар этгенинг суаб болсун джанынга!
Базыб сенге келе эдиле джунчугъанла,
Къуанмайын чыкъмай элле ала ызына.
Кеб адамгъа болуша эдинг джашауда,
Бюсюреу а излемейенг ызына.
Минги Таугъа ушай эдинг джашауда!
Сыйынг уллу эди миллетлени аллында.
Этген ишинг дарман болад адамгъа,
Ичген сууу алгъыш болсун джанына!
Сен кетгенли тозурагъанд Нарсана,
Табылмайды керти ата алайгъа.
Бизни джетмейд адамлыгъыбыз анга-
Атарча сени атынгы бир орамгъа.
Боллукъмуду энди быллай тамада?
Эки шагъат керек болур бу затха..
Умар Ижаев
Член союза писателей России