От айтады: «Менме!» -деб,
Суу келеди: «Кимсе?!» -деб.
Джел айтады: «Менме!» -деб,
Кюн ышарад: «Кимсе?!» -деб.
Ай къарайды: «Сенсе!...» -деб.
Кеб минг джылла баралла,
Ангылашынмай орталары.
Къайсы кючлю болгъаны
Билинмейин аланы.
Залим от а барады,
Хар бир затны кюйдюре.
Киши къарыу эталмай,
Аны этген ишине.
Бир заманда джетген эд,
Къара булут алайгъа.
Ийди таякъ джангурун
Залим отну башына.
Къара булут кюкюрейд,
Тегерекге махтана:
«Кердюгюзмю этгеними
Ол махтанчакъ» - дейд, отха!
Сезюн айтыр айтмаз ол,
Джел джетди да алайгъа.
Сабий бла ойнагъанча,
Алыб кетди узакъгъа.
Ариу кюн да къарайды,
Сейирсиниб алагъа.
Ол ингирни сакълайды,
Айгъа хапар айтыргъа.
Умар Ижаев
Член союза писателей России