Заз женнетда чка авач,
Зал тахсирар пара ала.
Захъ к1елк1идай чка кумач,
Зав зи дердер хара гва.
За к1анидан рик1 ханава,
Чин элкъвенва, заз яр амач,
За багъридан рик1 канава,
Заз женнетда чка авач.
Тек хьанва зун, вучин за, яр?
Гъил къачу зи гунагьдилай.
Зи рик1 жува авунва т1ар,
Гьик1 гъил къачун гунагьдилай?
Хиял квахьна, чан, ял квахьна
Межнундиз тай хьанава зун.
Акьул квахьна, мез ч1ал квахьна,
Гьаятдикай къанава зун.
Пад жезва рик1 акваз-такваз,
Зи к1вачери чил кьазамач,
Гьиниз фида чизвач жуваз,
Заз женнетда чка авач.