Маржанат Мажидова
Шаршар булакъдай агъагъан,
Сюзюк сувдай,сюювюм таза.
Гене сени сагъына жаным,
Гюнден гюн ириймен аза.
Ташгъын болуп сёзлерим ташый,
Сююв гьакъда сагъа сёйлеме.
Башымны къуршагъан ойлар,
Сюе сююв къыллар кюйлеме.
Юрегим талпына бир сагъа,
Къанатсыз къушдай саркъаман.
Гёнгюм ачма ёкъсан магъа,
Сенсиз ерлерде ялкъаман.
Тавдай юрегим толуп,
Тёшюм тешмеге тура.
Гел аявлум тилеймен,
Магъа юзюнгню бура.
Яшлыгъымны яшмыны,
Кёк ургъандай этгенсен.
Эсде сакъла деп магъа,
Сююв къоюп гетгенсен.
23.06.16. Мадиш .Ботаюрт.