Зун атайла лацу партал алук1 вуна, к1аниди,
Зи чирагъни, зи сад Рагъни тек вун хьанва, масанди.
Зи дердинин къизил ачар гъиле кьуна, к1аниди,
Ша зи патав, вун зи тандиз шагьвар хьанва, масанди.
Вун заз кьисмет хьаначт1ани, вун заз свас хьиз акурай,
Алахъда зун жув тапарриз - вун зиди я лугьуда.
Лацу партал алук1 вуна, экв зи рик1е ац1урай
Атаначт1ан зи уьмуьрдиз, за ваз к1анид хъулгьуда.
Зи къайиди, зи чимиди, зи ширинди, милиди,
Зи мич1ериз уьмуьддин экв, кьарайдиз рехъ хьайиди,
Цифед к1аник чуьнуьх хьанвай гуьлуьшан рагъ хьтинди,
Зун атайла лацу партал алук1 вуна, к1аниди.