Ишемир, яр, вилерин нагъв
За теменрив кьурурда ви.
Ишемир, яр, рик1евай ц1вагъ
За ашкъидив ксурда ви.
Ваз за дагъдин гарарикай
Шел кьурурдай шагьвар гъида.
Яргъирушан рангарикай
Ви рик1из хуш рангар гъида.
Вуч жеда, яр, ишемир т1ун,
Экуь цава марф жедайд туш.
Зи рик1 иви ийимир т1ун,
Гьар са гару марф гъидайд туш.
Хъуьредайла муьгьуьббат чаз
Чук1урмир т1ун бахтунин тахт.
Язух ша зи, минет хьуй ваз,
Ишемир, яр, ишемир, бахт.