Лезги чил, валай гуьзел чка авани?
Эй лезгияр, квез такур гуж амани?
Къеневай рик1, гуда чна чи халкьдиз,
Душманрин кам вегьез тач чи Алпандиз.
Алпанвияр, чи лезги тир гадаяр,
Рик1ел чи къадим тир къайдаяр.
Рик1елай чи алатдай туш бубаяр,
Йифиз бадед ахъайзавай кьисаяр.
Тур хци я, къалханни гваз акъвазда,
Чи адетрин вуж акъвазда къаразда?
Чаз чи хайи халкь лап гзаф багьа я,
Чахъ авайди Лезгистандин гьава я.
Пайна чи халкь, вучиз кьве пад авуна?
Гьи залумри чи рик1ер кьат1 авуна?
Гьак1 ят1ани чи халкь ажуз хьайид туш,
Душмандиз гьич садрани рей гайид туш.
Чун Лезгияр, Алпанвияр, ц1аяр я,
Душманд кьилел къвазвай харад къаяр я.
Ина гьар сад кьегьал, гьар сад уст1ар я,
Чи Лезгияр дуьз ксарин дустар я!