З и я р а т
Подписаться
22:38
Мен бир кюйде турмайман,
Тюрлю-тюрлю боламан.
Сюйсем ёнкюп кюлеймен,
Сюйсем топдай толаман.
Сюйсем арив боламан,
Гёрген гиши сюердей.
Сюйсем къашым тюемен,
Сюйгенине гюердей.
Сюйсем узун гиемен,
Башыма явлукъ ташлап.
Яда гиемен къысгъа,
Яш заманымдай яшнап.
Мен бир кюйде турмайман,
Мени англама къыйын.
Абатланып чыгъаман,
Магъа гьыз тартгъан сайын.
Сюйсем геч деп къарамай,
Шагьар бавгъа чыгъаман.
Сюйсем гёрмей оьтемен,
Сюйсем сагъа багъаман.
Мишикдей ишыламан,
Гирме сююп къойнунга.
Сюйсем сувукъ йыландай,
Чырмаламан бойнунга.
Мен бир кюйде турмайман,
Бир кюлеймен, бир йылай.
Амма терсине бакъсам,
Магъа тиймесенг къолай...
1.08.16
Зиярат Д.