Хъукьварин хуьр-гуьзел макан-
Хуш жеда гьар акур инсан ,
Гур межлисар хуьре хьайла,
Къвез япариз зуьрнедин ван.
Гьар са касдиз гузва за квез,
Зи мецелай чими салам .
Агакьунра куь гьар са кар,
Квез кlанивал хьурай тамам.
Заз хуш жеда куьн акурла,
Рахадайла ширин мецел.
Кьуд патахъай ван къвез жеда:
Мани лугьур билбил нуькlвер...
Зи рикlелай алатдай туш,
Са чlавузни хуьруьн ери.
Рагъ алай югъ гуьлуьшан я...
Ватандилай я зун рази.
Хъукьварин хуьр аквазава,
Килигайла,гзаф иер.
Кьуд пад къацу я яйлахар,
Акурла шад жеда рикlер.
Хушвилелди кьабулзава,
Кlвализ атай гьар са мугьман.
Зи бейтерин чlаларава,
За квез кхьей,иер макан.