Заз зи чил хьиз, маса чка багьа туш,
Тахай чилел авай гьава, гьава туш.
Лезгистандин нурар гьарниз чк1ана,
Вик1егь туш чун? Ван татуй гьак1 лагьана.
Зун вал шад я, вун мурад я Лезгистан,
Вун лезгийрин, вун дагъвийрин я макан.
Шумуд халкь вал пехил хьана амукьна,
Шумудахъ лагь чал вегьейла, галукьна?
Ина гьар сад рик1 михьи тир дагъви я,
Чак квайди михьи лезгид иви я.
Гьар са кьегьал ватан патал дири я,
Зи рик1евайд хайи чилни, лезги я.