Сонет

               

Сарфун сувай к1унч1 гъанай за цуькверин,
 "Зи азиздаз"т1вар эцигна вун патал.
Цуьквер к1унч1ни са пайни гваз дердерин,
Атанай зун ви патавди,гун патал.

Эвернай за ваз варцелай т1вар кьуна.
Хъфенай вун са уьтери килигна.
 Я инсафсуз,вуна заз вуч кар кьуна ? !
 Рик1ин гьиссер ругна дегьре иллигна.


Зун акуна мур к1вахьнай ви чиникай.
Кур пашман яз зун варцелай элкъвенай.
Хабар хьай хьиз ви инсафсуз рик1икай,
Цуьквер к1унч1ни зи гъилемаз шуьткьвенай.


Гьа цуьквер хьиз шуьткьвена чи муьгьуьбат,
 Лагь,идалай женни ч1ехи мусибат ?!