Насыб бериб туралла джюрегиме
Къаялада чучхур сууларынг джырлай.
Къор болайым ташынга, терегинге,
Туугъан джерим, джан тамырым Къарачай!
Кеб игилик тилейме мен кече, кюн,
Адамынгы, джеринги да ийнакълай.
Сен ушайся сейир таурухха бютюн,
Алтын уям, джюрек джырым Къарачай!
Дун-дуниядан, сени къараб керюрге
Къыш да, дждай да келиб турады адам.
Керек болса, сени ючюн елюрге,
Мен хазырма, шагъатды бютеу алан.
Нарат хауанг толуду гюл ийисден,
Аны солуб, тоялмайма емюрю.
Тау сыртларынг ариу къаджар кюнюзден,
Сенсе джерде табигъатны баш терю.
Къар теппели Минги-Тау джер башында
Агъарады, кекге джете кез алдай.
Мен алама сени Къадау ташынгы
Сау дунияны алтынындан Къарачай!