Аян хьанан,дидечан,ваз,бубад туна,фена,чун,
Эвелдай хьиз шад хъейизмач,ваз гайи гаф хена.чун.
"Зи балайрал мукъаят хьухь",-лагьайди тир адаз на,
Жув фидайла,эхиз тежер дердид,туна,къене,чун.
Ви нияр чаз бубад гузвай,вун амачирлай кьулухъ,
Гила амни икl къакъатна-кьведра етим хьана чун.
Кар я,ана акуртlа ваз,туьгьмет мейир парани,
Кягъмир гьич хатурдик на,дидечан,мад хана чун.
Фенатlани,ялгъуз туна,гила ада балаяр,
Чаналамаз куз хьана чахъ,кьуна даим,вине,чун.
Кьейид фена,жедайди я амайбуриз дерди-гъам,
Куь сеферни,гьакь чкадиз,акlа-кана кьена чун.
Икl атанва,икlни фида фана дуьнья-туш са куьз,
Кьисмет я луз,гадариз таз и уьмуьрдин гине чун.
Са шеи зун секинарда-белке авай кlвалах я:
Мумкин хьана,расал хъжен,са мус ятlан,гена чун.
11.09.16 г.