Къе булахдин рекье яр заз акуна,
Шуькуь гардан,хуш дидар заз акуна,
А къамат дуьз,юкь-пайгар,заз акуна,
Белке тушир яр-хиял заз акуна,
Ксанвай зун-са ахвар заз акуна.
Вегьиз вичин кьезил ккамар,физвай ам,
Юкьа авай къизил кемер,физвай ам,
Юзуриз зи рикlин дамар,физвай ам,
Виже тушиз дуьньяд гъамар-физвай ам,
Сад лагьана,гуз икlа наз,акуна.
Рахаз-хъуьрез рушарихъни галаз-тир,
Макьамариз къушарихъни галаз-тир,
Уюнардай бажарагъни галаз тир,
Вичин жегьил яшарихъни галаз тир-
Кефи адан яз хупl тараз,акуна.
Тир кварцин ттум кьаз,къуьнел,гъвечlи гъилни,
Шад тир,кlвачин кlаник адан,жигъирни,
Акъуд тийиз,тар-тlам амай,жингъирни,
Мягьтел хьана,ахъаз амай кьуьгъуьрни
Рекьин винел-зи яр адаз акуна.
Яр акуна къе-хупl бахтар хьана заз,
Акун тийиз,гзаф вахтар хьана,заз,
Гила жеда,йифен ахвар хьана-заз,
Кlан жеда жал адаз,гьич тlар хьана заз-
Зун туна,гъил масадан,кьаз акуна?