КЬЮРДУН ТАХСИР
МучІушин аку лизишназ илтІибкІру,
Йискьбан гъагъишин архаинвализ хру,
Гъизгъиндайи гьялаквал даккунди дебккру
Кьюрд‘ин гъиси, гьарган гьяйран духьназу.
Хътубгурайи чвлиз гежехайрар кІуру,
Дидин хунчайикан мянфяаьт ктабгъру,
Бизар дубхьнайи бедендиз амкІ гьапІру
ДабтІнайи Кьюрд‘ин машгъулди гъузназу.
Кабалгнайи хьадукран гъян гьис апІру,
Сикинди рягьятвал гъадабгъуз гъитру,
Фагьумдихъ хъадрударин йирфар ккухьру
Кьюрд‘ин аязлу, мюгьтал духьнадарзу.
Читин гъанажагъсуздар ахуз ккаъру,
Гьюру йисан юкьуб фасликк бин ккивру,
Адмийириз Чан хусуси къанун дивру
Кьюрд‘ин фу–вуш гьудрубкІди алархьназу.