ХАЗНА
Ригъ алабхъиган йишв гъафну –
Магьа дидихъ хъайи хазна.
Мархь гъубгъиган чрушан гъабхьну –
Магьа ригъдихъ хъайи хазна.
Хазна хъазухъ – магьа йиз ЧІал,
Сабсан: кагъзиин дабхърайи цІар,
Кьастар айидарин ачІал
АпІруб, ктубдури иччи чІар.
Хазна хъазухъ – багъри Ватан.
Гьавайиди ккубкьнайиб дар.
Узуси аьшкьламиш гьаз даркІан,
Йизсиб пай кашра, имбудар?!
Узухъ хъайи багьа Хазна
Девлетнахьди дариз касиб,
Дар гъизил абхьрайи вазна
Жандиин алдру палатсиб.