Гьар са чlавуз дуьз рахух вун захъ галаз,
Дуьзвал вине кьаз алахъна,гьахъ рахаз.
Назик чандиз азаб гумир вуна зи,
Ви дердина рикlни-жигер кана зи.
Вахтар физва акваз-такваз алатна,
Мекьидаз хьиз бедендик фул акатна.
Дарман жедач я зи чандиз,вакай къе,
Агъу жезва,тlуьнвай санал,факай къе.
Кьве вилел зи шелдин перде аватна,
Зун туна гьакl,рикlелай вин алатна.
Артух жезва жуван дердер,хажалат,
Беден тlазва,дерт хьанва зал гьавалат.
Тазватlа на,гьа икl,вал на вил алаз,
Ихтияр це вавди кьве гаф сир рахаз.
Ваз акl жемир,вун жедай хьиз кефина,
Зайиф жеда,гьатда вун зи дердина.