Зун сефил туш

 
Шадвал къалин,нагъв аламач вилерал,
Зун хуррамдиз къекъвезва и чилерал.
Ваз акl жемир,зун сефил я,зун тек я,
Зун кьадай кас авачир хьиз гъилерал.

Са касдини тавурай зи чlехивал,
Хуьз алахърай вичин рикlе экуьвал.
Ваз акl жемир,зун сефил я,зун тек я,
Булахдин яд,хьиз хуьзва за михьивал.

Ракъинин нур аватна мад синерал,
Ягъиз макьам,билбил таран хилерал.
Ваз акlжемир,зун сефил я,зун тек я,
Ашукь хьанва,зун са гуьрчег вилерал!


Зи пешедал ийимир на пехилвал,
Гьала жуван рехъ,къалура жегьилвал.
Ваз акl жемир,зун сефил я,зун тек я,
Сад Аллагьди,багъишна заз кlанивал.