ХЬАДУКАР
(Шикил)
Хьадукарра шаирариз гизаф кканиб ву, хъа кьюрд наанди апIухьа?
Кьюрд даринхъа ухьуз хьадукран кьадри хьуз гъибтрайиб?!
Уву, хьадукар, учуз фу-вуш аьгъяйин?
Аьгъдарчуз!
Увхьан фукIа апIуз шулин?
Гьич фукIара!
Хъа гьапIри яв ад апIуча?!
Уву ич гъайгъушназ Агъайи дебккнайиб дарин?!
Уву апIин учуз мяъли, яв агъавал апIурайи инсандиз, хъа учу мяъли апIидича
ич Агъа Месигьдиз аьршариз айи, жилиинна гъафи, масанвал гъабхи Исайиз,
Инсаниятдин Бализ!
Гьадму Адаш дарин, хьадукар, уву ич гъайгъушнаъ Дебккур?!
Гьадму Адаш дарин, хьадукар, уву учуз мяълийир пуз Дерккур?!
Гьан, яв гюрчегвализ апIуча икрам, даршиш ВаритIанзаанурин?
Гьан, увуз икрам апIрур фуж хьиди, зиин йиз Адаш алмиди?
Яв безетмиш'вали уву запIрайин, даршиш уву Гъабалгур?
Гьей, хьадукар, хьадукар, аьгъязуз, уву Адаш улупурава яв успагьивалиинди ва
такабурвалиинди, хъа инсанар яв гъавриъ ахърадар: яв гьунарар вуйиганси
уву запIри хъюгъна, хабар адарди, халкь гъапIубдиз икрам апIури,
халкь ГъапIурин хатир ккибтри, иблисдиз ккуниси, Думу гьясбикк дарапIди,
нигь апIури.
Эй эллер, лигай хьадукраз ва аьгъю хьибдичвуз хатI зат даршлу барбатI РАББИЙИН!
Хъа инсанар духьна гъалатI.
Эй уву, иблисди йитIнайи яв фагьумдин кьюкьяр гьадатI, диндин дапIну илдандин
симар кьатI, инсандин азадвал йибтIнайи!