РИГЪ: ККУНИБ – ДАККНИБ
(Шикил)
Ригъ вузуз ккуниб узуз мани апIруган.
Ригъ вузуз даккниб узуз амкI идипруган.
Йигъ вузуз ккуниб мани ригъ алиган.
Йигъ вузуз даккниб пис тIулар апIури адмийири чпи зиълан уччвуйи улупруган.
Шив вузуз ккунир кIван симарик кучруган.
Шив вузуз даккнир кIван симар крахуз гъитруган.
....
Агъа вузуз ккунир узу халкь дапIнайиган.
Месигь вузуз ккунир, узуз уьмур тувнайиган.
Иса вузуз ккунир ригъар-вазаринра Агъа вуйиган.
Аллагь вузуз ккунир, узхъанди Чан жан тувиган, Учв - Иса, Месигь, Агъа, Гирами Рюгь, ВаритIанзаанур... - мурар вари Сар вуйиган.
Фици хьиди Думу узуз даккун, даккни тIулар апIру узу Чазди кадагънайиган?!
Ригъ вузуз ккуниб, кIурира вуза, - даккниб; йигъра, шивра... гьаци.
Хъа фици кIуза узу Аллагьдиз дици, Думу йиз Адаш вуйиган, уз'ин ужубра харжибра
улубкьиган Гьадгъахьна ккарагури жаргъруган!
Шадвалин мядан ва макан, масанвалин машквар, уьл баркаван ва гьялал, хал уткан,
хил мюгькам ва жил авадан - вари Яв аднан гьунарар дарин,
уьмур гьаргандин учуз багъиш гъапIу, Адаш - Адаш вардин!