***

Ван тийир тфенг гваз атана,
 КIуф хурал эцигна луьледин,
 Пуч тахьуй кьуркьушум лагьана...
 Зи рикI куз кIан хьана гуьлледив.

 Гъана зи бахтуни вун гъалатI хьана,
Какахьна тунвайди патрум тир ичIи.
 Бинесуз ажалдин гел галат хьана.
Авур ван хатасуз  "тIанкь" хьана пичIи.

Гила ваз амайди я са рехъ,са хвел,
Кьве патрум гъиликна лишан-ярж ая.
Вав тфенг гайидан эцига пелел,
Кьвед лагьай патрумни жуваз харж ая !